ສຸກສັນວັນແຫ່ງຄວາມຮັກ Happy Valentine’s day

(ບົດຄວາມນີ້ມີຄວາມຮັກ ແລະ ຄວາມຫວັງດີມາຝາກ).

ຄົນສ່ວນໃຫຍ່ມັກຄອນແຄນກັບເປົ້າໝາຍ ເພາະເບື່ອໜ່າຍທີ່ຈະປັບປຸງ ປ່ຽນແປງ ພັດທະນາໂຕເອງ ການປ່ຽນເປົ້າໝາຍເປັນເລື່ອງທີ່ງ່າຍ ຄົນສ່ວນຫຼາຍຈື່ງເລືອກເສັ້ນທາງນີ້ ລອງເບີ່ງຄົນຢາກອອກກຳລັງກາຍ ລອງເບີ່ງຄົນທີ່ບອກວ່າສົນໃຈຝຶກອົບຮົມ ລອງເບີ່ງຄົນທີ່ບອກວ່າຈະປະຢັດ ລອງເບີ່ງຄົນທີ່ບອກວ່າ ຈະເຮັດແນວນັ້ນ ແນວນີ້ ພໍລອງ ພໍເຮັດໄປໄດ້ໄລຍະໜື່ງ ພົບບັນຫາ ພົບຄວາມລຳບາກ ກໍ່ຕັດໃຈ ປ່ຽນແປງເປົ້າໝາຍງ່າຍໆ ເປົ້າໝາຍທີ່ດີ ມັນກໍ່ຍັງດີຂອງມັນຢູ່ຫັ້ນແຫຼະ ຄົນອື່ນໄປເຖີງໄດ້ ແຕ່ເຮົາໄປບໍ່ເຖີງ ມັນອາດສະທ້ອນໃຫ້ເຫັນໄດ້ວ່າ ວິທີການທີ່ເຮົາໃຊ້ມັນຍັງບໍ່ດີພໍ ແທນທີ່ຈະປ່ຽນເປົ້າໝາຍ ລອງຄິດ ພິຈາລະນາ ຫາຄົນປຶກສາ ແລ້ວລອງວິທີການໃໝ່ໆ ຍົນລຳທຳອິດ ຫຼອດໄຟອັນທຳອິດ ໂທລະສັບໜ່ວຍທຳອິດ ກໍ່ລ້ວນແລ້ວແຕ່ຜ່ານວິທີການ ຮ້ອຍແປດພັນປະການມາທັງນັ້ນ ຄວາມພະຍາຍາມນັ້ນສຳຄັນ ຖ້າລອງພະຍາຍາມແລ້ວບໍ່ສຳເລັດ ແທນທີ່ຈະລົ້ມເລີກໄປ ມາລອງພະຍາຍາມດ້ວຍອົງຄວາມຮູ້ໃໝ່ ແນວທາງໃໝ່ ເປົ້າໝາຍທີ່ເຄີຍວ່າຍາກ ອາດງ່າຍຂື້ນກໍ່ໄດ້ ຕົວຢ່າງການຫຼຸດນ້ຳໜັກຂອງຂ້າພະເຈົ້າ ຂ້ອຍຫຼຸດນ້ຳໜັກໄດ້ 5ກິໂລ ພາຍໃນ 6ເດືອນ ໂດຍແທບຈະບໍ່ປ່ຽນຮູບແບບການໃຊ້ຊີວິດ ທັງທີ່ແຕ່ກ່ອນພະຍາຍາມມາຫຼາຍປີ ນ້ຳໜັກມີແຕ່ເພີ່ມຂື້ນ ແຕ່ພໍທຳຄວາມເຂົ້າໃຈຈິງໆກັບມັນ ປັບປ໋ຽນວິທີໜ້ອຍດຽວ ກິນໃຫ້ເປັນລະບຽບ ອອກກຳລັງກາຍໃຫ້ພໍເໝາະ ເລືອກວິທີອອກກຳລັງກາຍທີ່ໂຕເອງມັກ ຊີວິດບໍ່ອຶດອັດ ແຕ່ຜົນຮັບເປັນໄປຕາມຄວາມຕັ້ງໃຈ ເອົາລະ ມາລອງພິຈາລະນາດີໆ ມີວິທີການໃໝ່ໆຫຼືບໍ່ ທີ່ຈະຊ່ວຍໃຫ້ບັນລຸເປົ້າໝາຍຂອງທ່ານ ແຕ່ຖ້າລອງມາແລ້ວທຸກທາງ ພະຍາຍາມແລ້ວທຸກຢ່າງ ບາງທີ ເປົ້າໝາຍຂອງທ່ານ ອາດບໍ່ແມ່ນສິ່ງທີ່ທ່ານຕ້ອງການຈິງໆກໍ່ໄດ້ ລອງຄິດເບີ່ງ.

ຄວາມສຸກ ນັ້ນ ມາຈາກ “ການຮັບ” ແລະ “ການໃຫ້”

“ການຮັບ” ຕ້ອງລໍຖ້າ

“ການໃຫ້” ເຮັດໄດ້ທັນທີ

ຂໍຂອບໃຈບົດຄວາມດີໆຈາກ: ສົມຫວັງ ຫຼວງປະເສີດ

Leave a Reply

%d bloggers like this: