ໂຮງຮຽນສາມັນກິນນອນຊົນເຜົ່າອຸດົມໄຊ ໄດ້ຈັດພິທີສະຫຼຸບການຮຽນ-ການສອນ ແລະ ມອບໃບປະກາສະນີຍະບັດວິຊາຊີບ ລະດັບ 3 ຊຸດທີ II ໃຫ້ນ້ອງນັກຮຽນ

ໂຮງຮຽນສາມັນກິນອນຊົນເຜົ່າ ໄດ້ເລີ່ມເປີດການຮຽນ-ການສອນແບບສາມັນຄວບຄູ່ກັບວິຊາຊີບມາແລ້ວ2ຊຸດ; ຊຸດທີ 1 ແຕ່ສົກປີ 2016-2019 ມີ 1 ສາຂາ ຄື ສາຂາ ກໍ່ສ້າງ(ກໍ່ໂບກ) ມີນັກຮຽນທັງໝົດ 31 ນ້ອງ ຍິງ 13 ນ້ອງ ແລະ ຊຸດທີ 2 ແຕ່ສົກປີ 2019-2022 ມີ 2 ສາຂາຄື: ສາຂາ ກໍ່ສ້າງ(ກໍ່ໂບກ) ມີນັກຮຽນ 26 ນ້ອງ, ຍິງ 9 ນ້ອງ ແລະ ສາຂາ ປູກຝັງ ມີນັກຮຽນ 30 ນ້ອງ, ຍິງ 17 ນ້ອງ ເຊິ່ງແຕ່ລະຊຸດ ຈະເລີມແຕ່ຂັ້ນ ມ.5 ຈົນຮອດຊັ້ນ ມ.7

ມາຮອດວັນທີ 24 ມີຖຸນາ 2022 ໂຮງຮຽນໄດ້ຈັດພິທີສະຫຼຸບການຮຽນ-ການສອນ ແລະ ມອບໃບປະກາສະນີຍະບັດວິຊາຊີບ ລະດັບ 3 ຊຸດທີ II ໃຫ້ນ້ອງນັກຮຽນ ແມ່ນຈັດຂື້ນ ຢູ່ທີ່ສະໂມສອນໂຮງຮຽນ ພາຍໃຕ້ການເປັນປະທານຂອງທ່ານ ສົມຈັນ ພົນທະສິດ ຄະນະພັກຮາກຖານພະແນກສຶກສາທິການ ແລະ ກິລາແຂວງ ເລຂາໜ່ວຍພັກ ຜູ້ອຳນວຍການໂຮງຮຽນສາມັນກິນນອນຊົນເຜົ່າອຸດົມໄຊ ໃຫ້ເຂົ້າຮ່ວມໃນພິທີມີ ທ່ານ ຄຳຮັກ ເຕີຍມະນີ ວິຊາການຕ່າງໜ້າອະຊິວະ ແລະ ການສຶກສາຊັ້ນສູງ ພະແນກສຶກສາທິການ ແລະ ກິລາແຂວງ ມີທ່ານ ບຸນຄຳ ປັນຍາສັກ ຮອງຜູ້ອຳນວຍການໂຮງຮຽນເຕັກນິກ-ວິຊາຊີບແບບປະສົມແຂວງອຸດົມໄຊ ຕະຫຼອດຮອດພະນັກງານ, ຄູ-ອາຈານ ແລະ ນັກຮຽນເຂົ້າຮ່ວມທັງໝົດ 72 ຄົນ, ຍິງ 28 ຄົນ

ໃນພິທີແມ່ນໄດ້ຜ່ານບົດສະຫຼຸບຂອງການຈັດຕັ້ງການຮຽນ-ການສອນສາມັນ-ວິຊາຊີບ ໄລຍະ 3 ສົກຮຽນ ຕັ້ງແຕ່ປີ 2019 – 2022 ແລະ ໄດ້ຜ່ານຂໍ້ຕົກລົງ-ມອບໃບຍ້ອງຍໍຈາກພະແນກສຶກສາວ່າດ້ວຍການຍ້ອງຍໍຄູ-ອາຈານແລະນ້ອງນັກຮຽນຜູ້ທີ່ມີຜົນງານດີເດັ່ນ ໃນການເຄື່ອນໄຫວວຽກງານການຮຽນ-ການສອນ ໄລຍະ 3 ສົກຮຽນ ແຕ່ປີ 2019-2022 ຈຳນວນ 40 ທ່ານ, ຍິງ 15 ທ່ານ, ຜ່ານຂໍ້ຕົກລົງ-ມອບໃບຍ້ອງຍໍຈາກໂຮງຮຽນວ່າດ້ວຍການຍ້ອງຍໍຄູ-ອາຈານແລະນ້ອງນັກຮຽນ ຜູ້ທີ່ມີຜົນງານດີເດັ່ນ ໃນການເຄື່ອນໄຫວວຽກງານການຮຽນ-ການສອນ ໄລຍະ 3 ສົກຮຽນ ແຕ່ປີ 2019-2022 ຈຳນວນ 26 ທ່ານ, ຍິງ 9 ທ່ານ ແລະ ຜ່ານຂໍ້ຕົກລົງ-ມອບໃບຍ້ອງຍໍໃຫ້ນັກຮຽນດີເດັ່ນການຮໍ່າຮຽນ ແລະ ໄດ້ຄະແນນ 7 ຂື້ນໄປທຸກວິຊາ ຈຳນວນ 4 ຄົນ, ຍິງ 0 ຄົນ

ແລະ ມອບໃບປະກາສະນີຍະບັດໃຫ້ນ້ອງນັກຮຽນທັງສາຂາກໍ່ສ້າງ ແລະ ສາຂາປູກຝັງ ຈຳນວນ 56 ນ້ອງ, ຍິງ 26ນ້ອງ

Leave a Reply

%d bloggers like this: