ແຊດ່ວນ ນໍ້າມັນມາແລ້ວ ພີ່ນ້ອງ ຕໍ່ຄິວເຂົ້າສາງທ່ານາແລ້ງ,
ນະຄອນຫຼວງວຽງຈັນ.ມື້ນີ້ 6 ມິຖຸນາ 2022
ບົດຄວາມ
ຢ່າປູກຕົ້ນໄມ້ພຽງເພາະຕາມຂະບວນການ ແຕ່ຈົ່ງປູກເພື່ອດູແລຮັກສາໄປຢ່າງຍາວນານ
ແນ່ນອນສິ່ງທີທ່ານເຫັນ ແລະ ຄົນສ່ວນຫຼາຍໂຟກັດໃນວັນປູກຕົ້ນໄມ້ແຫ່ງຊາດ (1 ມີຖຸນາ) ກໍ່ຄືການສ້າງຂະບວນການປູກຕົ້ນໄມ້ຕາມສະຖານທີ່ສາທາລະນະຕ່າງໆ ຫຼືບ່ອນອື່ນໆ ເພື່ອຕ້ອນຮັບວັນປູກຕົ້ນໄມ້ດັ່ງກ່າວ ແຕ່…ມີໜ້ອຍອົງການ ຫຼື ສຳນັກງານ ທີ່ປູກແລ້ວໄດ້ຮັບຜົນ ຍ້ອນມີການບົວລະບັດຮັກສາຈົນມັນເຕີບໂຕໃຫຍ່ຂື້ນສ້າງຄຸນປະໂຫຍດໃຫ້ກັບສັງຄົມ ແຕ່ກໍ່ມີຫຼາຍພາກສ່ວນທີ່ປູກແລ້ວບໍ່ໄດ້ຮັບຜົນທັງໆທີ່ລົງທຶນຊື້ເບ້ຍໄມ້ ລົງທືນທັງແຮງງານ ສຸດທ້າຍປູກແລ້ວພັດປ່ອຍປະລະເລີຍ ເຮັດໃຫ້ຕົ້ນໄມ້ທີ່ປູກຕາຍໄປໃນທີ່ສຸດ ແລະ ປີຖັດໄປກໍ່ປູກອີກແລ້ວກໍ່ເຮັດແບບເກົ່າອີກບໍ່ມີໃຜໃສ່ໃຈບົວລະບັດຮັກສາ. ສະນັ້ນ, ເຫດການແບບນີ້ມັນກໍ່ຕ່າງຫຍັງກັບເຫດການຊີວິດໃນຫຼາຍໆເລື່ອງ ຢ່າງເຊັ່ນ: ການໃຫ້ຄຳໝັ້ນສັນຍາ, ການຮັບປາກຄົນອື່ນວ່າຈະເຮັດ, ການຢືມເງິນແລ້ວຈະຄືນອາທິດໜ້າ ເດືອນໜ້າ, ແມ່ນກະທັງການໄປບອກຮັກຄົນນີ້ຄົນນັ້ນ ແລ້ວຫຼັງຈາກນັ້ນເດ໋ ມັນຈະເກີດຫຍັງຂື້ນ? ຫລາຍທ່ານຄົງພໍເດົາອອກເນາະ, ຖາມວ່າ ມັນຈະບໍ່ມີທາງເຮັດໄດ້ບໍ່ ຄຳຕອບກໍ່ຄືມີ ພຽງແຕ່ຄົນສ່ວນຫຼາຍບໍ່ໄດ້ຄິດຢ່າງຖີ່ຖ້ວນ, ບໍ່ມີສັດຈະພຽງພໍ, ບໍ່ມີການວາງແຜນທີ່ດີເທົ່ານັ້ນເອງ. ດັ່ງນັ້ນ ຂໍ້ຄິດໃນວັນທີ 1 ມີຖຸນາ ກໍ່ຄື: ຢ່າປູກຕົ້ນໄມ້ພຽງເພາະຕາມຂະບວນການ ແຕ່ຈົ່ງປູກເພື່ອດູແລຮັກສາໄປຢ່າງຍາວນານ ເຊັ່ນດັ່ງເຮົາຫຍັງທຳຫຍັງກໍ່ໄດ້ຕ້ອງເຮັດໄປຢ່າງສະໝໍ່າສະເໝີ ຈື້ງຈະປະສົບຜົນສຳເລັດ. ນີ້ເປັນພຽງຂໍ້ຄິດສ່ວນຕົວຂອງແອັດມີນເທົ່ານັ້ນ.
ຮຽນຕໍ່ຫຍັງດີ ຮຽນຈົບມາແລ້ວ ຈະປະກອບອາຊີບຫຍັງດີ ?
ຮຽນຕໍ່ຫຍັງດີ ແລະ ຮຽນຈົບມາແລ້ວ ຈະປະກອບອາຊີບຫຍັງດີ ເຮັດວຽກບໍ່ກ້າວໜ້າ ມິແຜນຢາກຍ້າຍໄປເຮັດແນວໃໝ່ ໃຜທີ່ມີຄຳຖາມເຫຼົ່ານີ້ ຂໍໃຫ້ຮູ້ວ່າ ບໍ່ມີຄຳຕອບທີ່ເປັນສູດສຳເລັດເປ໊ະໆ ຈຳເປັນຕ້ອງເບີ່ງຄືນຫຼັງໄປໃນອະດີດ ເບີ່ງເລິກລົງໄປໃນຈິດໃຈ ເບີ່ງສີ່ງແວດລ້ອມອ້ອມຂ້າງ ເບີ່ງພາບທີ່ຍັງບໍ່ເກີດຂື້ນ ຈື່ງຈະພໍເຫັນຄຳຕອບໄດ້ (ແຕ່ອາດບໍ່ແມ່ນຄຳຕອບທີ່ແທ້ຈິງຢູ່ດີ) ເພາະຊີວິດ ມີປັດໄຈກະທົບເຂົ້າມາ ຮ້ອຍແປດ ພັນປະການ ການຫັກເຫຂອງເສັ້ນທາງຊີວິດ ຈື່ງເກີດຂື້ນໄດ້ສະເໝີ ທ່ານໃດທີ່ຍັງບໍ່ຕັ້ງຄຳຖາມເຫຼົ່ານີ້ ລະວັງໃຫ້ດີ ບາງຄຳຖາມອາດພຸ້ງເຂົ້າມາກະແທກທ່ານໄດ້ ໃນມື້ທີ່ຊີວິດພົບບັນຫາ ເຖິງວ່າເຮົາຈະວາງແຜນໄວ້ ຫຼື ບໍ່ໄດ້ວາງແຜນ ຊີວິດກໍ່ມີແນວໂນ້ມທີ່ຈະເປັນໄປໃນທາງຕ່າງໆໄດ້ຫຼາກຫຼາຍ ແຕ່ການວາງແຜນໄວ້ ກໍ່ຍັງພໍທີ່ຈະໃຫ້ເຮົາມີທິດທາງ ພໍຍ່າງໄປໄດ້ຢ່າງມີເປົ້າໝາຍ ຈະຍ່າງໄປທາງໜ້າແບບງົງໆ ຫຼື ຈະຍ່າງຢ່າງໝັ້ນໃຈ ຄວາມແຕກຕ່າງກໍ່ຢູ່ທີ່ ທ່ານມີແຜນໃຫ້ຊີວິດໂຕເອງແລ້ວຫຼືຍັງ ທ່ານໃດທີ່ສົນໃຈການວາງແຜນອາຊີບໃຫ້ໂຕເອງ ສາມາດສະໝັກເຂົ້າເພື່ອຂໍຄຳປຶກສາໄດ້ ຂ້າພະເຈົ້າເປັນໜື່ງໃນທີມທີ່ປຶກສາ ທີ່ພ້ອມຈະໂອ້ລົມ ເພື່ອໃຫ້ທ່ານເຫັນທາງຂອງໂຕເອງ ພ້ອມຍັງມີທີ່ປຶກສາອີກຫຼາຍທ່ານ ທີ່ມີທັງປະສົບການ ຄວາມຮູ້ ຄວາມສາມາດຫຼາກຫຼາຍດ້ານ ຊີວິດບໍ່ໄດ້ມີຄຳຕອບດຽວ ທ່ານຈະຮູ້ໄດ້ແນວໃດວ່າຄຳຕອບທີ່ໄດ້ນັ້ນຖືກຕ້ອງ ຖ້າທ່ານບໍ່ມີຄຳຖາມທີ່ດີພໍ ຕັ້ງຄຳຖາມດີໆ ໃຫ້ໂຕເອງແລ້ວຫຼືຍັງ ຂໍຂອບໃຈບົດຄວາມດີໆຈາກ: ສົມຫວັງ ຫຼວງປະເສີດ
ສິ່ງສຳຄັນ….ທີ່ບໍ່ສຳຄັນ
ມີຫຍັງແດ່ທີ່ສຳຄັນແລະມີຄວາມໝາຍ ໃນຊິວິດເຈົ້າ ຂ້ອຍເຄີຍຄິດວ່າຫຼາຍຢ່າງນັ້ນ ສຳຄັນສຳລັບຂ້ອຍ ແຕ່ພາວະໂຣກລະບາດໂຄວິດ-19 ກໍ່ຊີ້ໃຫ້ຂ້ອຍເຫັນຫຼາຍປະເດັນໃໝ່ໆ ເສື້ອຜ້າທີ່ດູດີລາຄາແພງ ໃສ່ໝົດມື້ກໍ່ມີໃຜແຍງເບີ່ງ ພາບລັກທີ່ຄິດວ່າສຳຄັນໜັກໜາ ມື້ນັ້ນບໍ່ມີຄ່າຫຍັງເລີຍ ໂທລະສັບຣຸ້ນໃໝ່ລ່າສຸດ ກໍ່ໃຊ້ແຕ່ເປີດເຟສບຸກ ຢູທູບຄືເກົ່າ ເກີບແລ່ນຄູ່ໃໝ່ຫຼາຍພັນບາດ ກໍ່ເກັບຢູ່ກ່ອງໄວ້ ບໍ່ໄດ້ໃຊ້ມັນຫຼາຍຢ່າງທີ່ເຄີຍຄິດວ່າສຳຄັນ ກໍ່ຖືກສະຖານະການບີບໃຫ້ເຮົາຕ້ອງໄດ້ຄິດ ຊິວິດທີ່ຜ່ານມາ ເຮົາໃຫ້ຄວາມສຳຄັນກັບເລື່ອງຕ່າງໆຫຼາຍປານໃດ ແລ້ວມັນເປັນສີ່ງສຳຄັນແທ້ຈິງຫຼືບໍ່ ຫຼາຍຢ່າງທີ່ຂ້ອຍຄົ້ນພົບ ກໍ່ໝົດຄວາມສຳຄັນທັນທີ ນັ້ນບໍ່ໄດ້ໝາຍຄວາມວ່າສີ່ງຕ່າງໆເຫຼົ່ານັ້ນບໍ່ສຳຄັນ ແຕ່ເຮົາໃຫ້ຄວາມສຳຄັນ ຍ້ອນເຫດຜົນໃດຕ່າງຫາກ ຂ້ອຍຍັງຄົງຕ້ອງມີພາບລັກທີ່ດີໃນບາງມຸມ ຂ້ອຍຍັງຕ້ອງໃສ່ເສື້ອຜ້າດີໃນບາງເທື່ອ ຂ້ອຍຍັງຕ້ອງມີໂທລະສັບທີ່ຄຸນນະພາບພໍໃຊ້ໄດ້ ຂ້ອຍຍັງໃສ່ເກີບຄູ່ໃໝ່ອອກໄປແລ່ນຢູ່ດີ ທຸກຢ່າງເຄີຍສຳຄັນ ແຕ່ມັນກໍ່ໝົດຄວາມສຳຄັນໄປຊ່ວງເວລາໜື່ງ ແລ້ວມັນກໍ່ກັບມາສຳຄັນອີກຄັ້ງ ດ້ວຍຄວາມເຂົ້າໃຈໃໝ່ໆຂອງຂ້ອຍເອງ ດັ່ງຄຳຂອງພະນິກາຍເຊນໄດ້ເຄີຍກ່າວໄວ້ວ່າ “ເມື່ອທ່ານບໍ່ຮູ້ຈັກ ‘ເຊນ’ ທ່ານເຫັນແມ່ນ້ຳເປັນແມ່ນ້ຳ ເຫັນພູເຂົາເປັນພູເຂົາ.” “ເມື່ອທ່ານຮຽນຮູ້ ‘ເຊນ’ ທ່ານເຫັນແມ່ນ້ຳບໍ່ແມ່ນແມ່ນ້ຳ ເຫັນພູເຂົາບໍ່ແມ່ນພູເຂົາ.” “ແຕ່ເມື່ອທ່ານເຂົ້າໃຈ ‘ເຊນ’ ທ່ານຈະເຫັນແມ່ນ້ຳເປັນແມ່ນ້ຳ ເຫັນພູເຂົາເປັນພູເຂົາ (ດ້ວຍຄວາມເຂົ້າໃຈໃໝ່).” ແລ້ວທ່ານເດ໋ ເຫັນແມ່ນ້ຳເປັນສີ່ງໃດ? ຂໍຂອບໃຈບົດຄວາມດີໆຈາກ: ສົມຫວັງ ຫຼວງປະເສີດ
ສຸກສັນວັນແຫ່ງຄວາມຮັກ Happy Valentine’s day
(ບົດຄວາມນີ້ມີຄວາມຮັກ ແລະ ຄວາມຫວັງດີມາຝາກ). ຄົນສ່ວນໃຫຍ່ມັກຄອນແຄນກັບເປົ້າໝາຍ ເພາະເບື່ອໜ່າຍທີ່ຈະປັບປຸງ ປ່ຽນແປງ ພັດທະນາໂຕເອງ ການປ່ຽນເປົ້າໝາຍເປັນເລື່ອງທີ່ງ່າຍ ຄົນສ່ວນຫຼາຍຈື່ງເລືອກເສັ້ນທາງນີ້ ລອງເບີ່ງຄົນຢາກອອກກຳລັງກາຍ ລອງເບີ່ງຄົນທີ່ບອກວ່າສົນໃຈຝຶກອົບຮົມ ລອງເບີ່ງຄົນທີ່ບອກວ່າຈະປະຢັດ ລອງເບີ່ງຄົນທີ່ບອກວ່າ ຈະເຮັດແນວນັ້ນ ແນວນີ້ ພໍລອງ ພໍເຮັດໄປໄດ້ໄລຍະໜື່ງ ພົບບັນຫາ ພົບຄວາມລຳບາກ ກໍ່ຕັດໃຈ ປ່ຽນແປງເປົ້າໝາຍງ່າຍໆ ເປົ້າໝາຍທີ່ດີ ມັນກໍ່ຍັງດີຂອງມັນຢູ່ຫັ້ນແຫຼະ ຄົນອື່ນໄປເຖີງໄດ້ ແຕ່ເຮົາໄປບໍ່ເຖີງ ມັນອາດສະທ້ອນໃຫ້ເຫັນໄດ້ວ່າ ວິທີການທີ່ເຮົາໃຊ້ມັນຍັງບໍ່ດີພໍ ແທນທີ່ຈະປ່ຽນເປົ້າໝາຍ ລອງຄິດ ພິຈາລະນາ ຫາຄົນປຶກສາ ແລ້ວລອງວິທີການໃໝ່ໆ ຍົນລຳທຳອິດ ຫຼອດໄຟອັນທຳອິດ ໂທລະສັບໜ່ວຍທຳອິດ ກໍ່ລ້ວນແລ້ວແຕ່ຜ່ານວິທີການ ຮ້ອຍແປດພັນປະການມາທັງນັ້ນ ຄວາມພະຍາຍາມນັ້ນສຳຄັນ ຖ້າລອງພະຍາຍາມແລ້ວບໍ່ສຳເລັດ ແທນທີ່ຈະລົ້ມເລີກໄປ ມາລອງພະຍາຍາມດ້ວຍອົງຄວາມຮູ້ໃໝ່ ແນວທາງໃໝ່ ເປົ້າໝາຍທີ່ເຄີຍວ່າຍາກ ອາດງ່າຍຂື້ນກໍ່ໄດ້ ຕົວຢ່າງການຫຼຸດນ້ຳໜັກຂອງຂ້າພະເຈົ້າ ຂ້ອຍຫຼຸດນ້ຳໜັກໄດ້ 5ກິໂລ ພາຍໃນ 6ເດືອນ ໂດຍແທບຈະບໍ່ປ່ຽນຮູບແບບການໃຊ້ຊີວິດ ທັງທີ່ແຕ່ກ່ອນພະຍາຍາມມາຫຼາຍປີ ນ້ຳໜັກມີແຕ່ເພີ່ມຂື້ນ ແຕ່ພໍທຳຄວາມເຂົ້າໃຈຈິງໆກັບມັນ ປັບປ໋ຽນວິທີໜ້ອຍດຽວ ກິນໃຫ້ເປັນລະບຽບ …